Breadcrumbs

 

Joschi Closchi's aus dem Programm 2015.
 
 
JoschiGloschiW1
Es goht nüt me ohni Änglisch

 

Warum mer nümme all's verstoht?

Will nüt me ohni Englisch goht.

Mer seit to lasy - statt eifach z'fuul

und alles isch doch immer – cool

Im Kabaret git's nur no Gag's

Im Wältcup fahred numme Crack's

und zum Apéro gits immer Snack's

Bi jedem Stärnli s'isch doch klar

redt'mer vo'm'ä Shooting Star

Mer goht go Babysittere

tuet chate und tuet twittere

Mer macht sich nöd schön – mer tuet sich jetz style

es wird nümme g'lachet – es wird nur no g'smiled.

Mer zeigt hütt kä Gfühl meh- dänn das sind Emotions

Au Werbig gits nümme däm seit'mer Promotion.

Mer goht go shope und tuet chille

mer gamed und tuet nümme spiele.

Bi All inclusive isch alles debii

Dä Huuswart managet Facilities

Isch öppis ganz guet , dänn isch das top

und umgekehrt isch's en riese Flop.

Mer seit au Peanuts statt spanischi Nüssli

oder Kiss me anstatt gimer es Küssli

Wänn ich emol spoht hei zue goh

redt d'Frau scho vom Worst case scenario

debii lueg ich, ich find das jo guet

das d'Work-Life Balance stimme tuet

Au mir sind do scho glii so witt

dä Wiehnachtszauber isch en Gig.

Und_für diä wo wänd git's do doch immer

jedes Johr es Candle light Dinner.

Gsehnders jetzt ii – so isch es halt äbe

ohni Englisch chunsch nümme dur s'Läbe.

Drum han ich scho mängisch dänkt

wänn nöd Englisch chasch – dänn häsch dänn s'Gschänk.

 

Wer ist online

Aktuell sind 9 Gäste und keine Mitglieder online